სარკომა ზოგადი ტერმინია იმ სიმსივნეების ჯგუფისთვის, რომლებიც რბილ და ძვლოვან ქსოვილებში წარმოიქმნება. ის შეიძლება განვითარდეს სხეულის სხვადასხვა ნაწილზე – კუნთოვან და ცხიმოვან ქსოვილებში, სისხლძარღვებში, ლიმფურ ძარღვებში, ნერვებზე, მყესებზე, იოგებსა და სახსრებზე. სინოვიალური სარკომა შეადგენს რბილი ქსოვილების სარკომების დაახლოებით 2%-ს და ყველა ონკოლოგიური დაავადების დაახლოებით 0.03%-ს.

"საკუთარ თავზე ნაკლებად, უფრო ჩემი ოჯახის წევრებზე ვნერვიულობდი. მათ ვამშვიდებდი და ვცდილობდი მხნედ ვყოფილიყავი. არ ვფიქრობდი ცუდზე."

"ინტერნეტში ვეძებდი ადამიანებს, რომლებმაც მსგავსი დაავადება გადაიტანეს. მჭირდებოდა ცოცხალი მაგალითები, ადამიანები, რომლებიც ამ ბრძოლიდან გამარჯვებულები გამოვიდნენ. მათში ვპოულობდი იმედს."

დროთა განმავლობაში კი დავითი თავად გახდა მაგალითი. სოციალურ ქსელში  აქტიურად დაიწყო თავისი გამოცდილების გაზიარება და ამით სხვების დახმარება. "ცხოვრებას ჩვეულ რიტმში ვაგრძელებდი - უფრო ენერგიულად, ვიდრე ადრე. მეგობრებთან ერთად ვერთობოდი, ვცდილობდი ყოველი დღე სრულად მეცხოვრა. თუმცა საკუთარ თავთან მარტო დარჩენა მიჭირდა. როდესაც მარტო ვრჩებოდი, ფიქრებს ვეღარ ვაკონტროლებდი. ასეთ დროს განსაკუთრებით ვგრძნობდი ოჯახის და მეგობრების მხარდაჭერის მნიშვნელობას. მკურნალობა გერმანიაში გავაგრძელე. გარკვეული დროის შემდეგ სიმსივნე აღარ მქონდა, მაგრამ ოთხი წლის შემდეგ ის კვლავ დაბრუნდა. ბრძოლა თავიდან დაიწყო...

მე ვარ დავით ჭიპაშვილი და ორჯერ დავამარცხე სარკომა! მე გაძლევ იმედს, თუ ამ გზის გავლას ახლა იწყებ