Prospectws Ysgol y Llys 2024-25

Annwyl Rieni

Carwn eich croesawu chi a'ch plentyn i'n hysgol a gobeithio y bydd y pecyn hwn yn ddefnyddiol.

Mae'r wybodaeth sy'n gynwysedig yn amlinellu athrawiaeth addysgol a threfniant yr ysgol, ond yr ysbryd y gweithredir hyn sy'n bwysig. Credwn y dylid addysgu mewn awyrgylch hapus a phleserus ac rydym yn ymgeisio i greu awyrgylch sy'n meithrin hyn yn yr ysgol.

Cofiwch ein bod ar gael i ateb cwestiynau a dileu pryderon a phe cyfyd unrhyw beth peidiwch â phetruso ynglŷn â chysylltu â ni ac fe wnawn ein gorau i'ch cynorthwyo.

Gobeithiwn y bydd yr amser y byddwch chi a'ch plant yn ei dreulio yn ein mysg yn hapus ac yn ffrwythlon.

Yn gywir,

Mr Rhys Griffith

Pennaeth

Gweledigaeth

Dyma ein gweledigaeth ar gyfer ein cwricwlwm yma yn Ysgol y Llys:

• Dathlu a hyrwyddo ein Cymreictod.
• Ysgol hapus a diogel.
• Creu awyrgylch gofalgar a chynhaliol.
• Parchu’r ysgol, y gymuned a’r byd.
• Hyder i fentro drwy profiadau cyfoethog.
• Meithrin dycnwch i wynebu heriau heddiw ac yfory.
• Lles Gwerin Llys Agored.

Mae'n hanfodol bwysig ein bod yn fodelau rôl addas ar gyfer y disgyblion: yn gosod disgwyliadau uchel o ran ymddygiad, agwedd, positifrwydd at waith, ac yn fodelau rôl ieithyddol wych.

Prif diben Addysg ac Addysgu o fewn y cwricwlwm yw i helpu pob unigolyn i wneud cynnydd ar eu lefel hwy; i helpu'r plant sydd o'n blaenau i wneud cynnydd, i gwrdd ag anghenion unigol hwy, nid i gynllunio yn ôl eu hoedran na'n disgwyliadau ninnau ohonynt. Gall cynnydd un disgybl edrych yn gwbl gwahanol i gynnydd disgybl arall, ond fe ddathlwn cynnydd pawb yn gyfartal, a chydnabod hawl pob plentyn i dderbyn gofal, arweiniad a chymorth.

Pennaeth

Mr Rhys Griffith (ysgol.yllys@sirddinbych.gov.uk)

Cadeirydd y Llywodraethwyr

Mr Mike O'Meara (OMearam6@hwbcymru.net)

Cyfarwyddwr Addysg a Diwylliant

• Cyfarwyddwr Corfforaethol Dysgu Gydol Oes,
• Cyngor Sir Ddinbych
• Swyddfeydd y Cyngor
• Ffordd Wynnstay
• Rhuthun,
• Sir Ddinbych,
• LL15 1YN

Ffôn: 01824 706016

Staff Ategol

Uwch Gymhorthydd Dysgu

• Mrs Bethan McCabe
• Mrs Carys Bunnell
• Miss Hanna Hughes

Cymorthwyr Dysgu

• Mrs Rhianwen Rees Mason

Gweithwyr Cefnogi Dysgwyr

• Mrs Joyce Doyle
• Miss Megan Davies
• Miss Lowri Hughes
• Miss Abby Peake
• Miss Catherine Roberts
• Mrs Ceri Thomas
• Mrs Gemma Coe
• Ms Laura Jones
• Miss Elin Jones

Staff Gweinyddol

• Mrs Julie Lloyd
• Mrs Angela Thomas

Cogyddes

• Ms Lorraine Wood-Jones

Gofalwr yr Ysgol

• Mr Steve Corbett

Glanhawyr yr Ysgol

• Linda Oliver
• Samantha Lloyd
• Sam Seiga
• Michelle Simpson

Dyddiadau'r Flwyddyn Academaidd 2024-2025

Meithrin 9.00yb - 11.30yb, 12.30yp - 3.00yp

Babanod 8.55yb - 12.00 : 12:55yp - 3.00yp

Iau 8.55yb - 12.00 : 12:55yp - 3.15yp

Oriau a dreulir yn dysgu'r plant

• Dysgu Sylfaen 21 awr
• Adran Iau 23 awr 30 munud

Gofynnir i rieni plant dosbarth Meithrin ddod a’i plentyn i’r ysgol gan ddefnyddio giat Cylch ger yr Uned Dan 5. Agorir giatiau’r Cylch am 8:55. Ni chaniateir mynediad cyn hyn. Disgwylir i bob rhiant sy’n casglu ei plentyn o’r Meithrin am 11.30 a 3.00 o’r gloch aros tu allan yr un giat (fel uchod), ac yna bydd aelod a’r staff yn trosglwyddo’r plentyn i’w gofal.

Bydd plant y Dosbarth Derbyn yncael eu trosglwyddo gan staff ger giat ‘Gareth Bale’ a r y buarth sydd ger y brif dderbynfa. Yn y boreau bydd angen i’r rhieni ddod a’u plant at ddrws y Dosbarth Derbyn tu cefn i’r Uned Dan 5. Bydd y drws ar agor o 8.50 y bore hyd 9.00 o’r gloch.

Prydau Ysgol a Llefrith

Paratoir prydau bwyd yn yr ysgol. Mae pryd ffurfiol i'r plant a bydd llefrith ar gael yn ystod yr amser chwarae boreol, i'r Cyfnod Sylfaen yn unig. O Fis Medi 2023, bydd cinio ysgol am ddim yn cael eu cynnig i bob ddisgybl oes statudol yn yr ysgol. Annogwn bob teulu i ymgymryd a’r cynnig yma. Cynllun sydd wedi ei ariannu gan Llywodraeth Cymru.

Cyfathrebu ar Lein

Mae gan yr ysgol wefan ddefnyddiol, sef www.ysgolyllys.cymru . Yno ceir wybodaeth a lluniau diweddaraf am yr ysgol ynghyd a dyddiadau/calendr digwyddiadau am y flwyddyn. Hefyd, mae gennym gyfrif X swyddogol sef @YYllys – caiff ei ddiweddaru’n gyson ac yn ffordd effeithiol o rannu gwybodaeth. Mae cyfrif swyddogol Ysgol y Llys ar Facebook (Ysgol y Llys) a chyfrif Instagram (ysgol_y_ysgol).

Cyngherddau Ysgol/Gwasanaethau Arbennig

Mae llawer o achlysuron pryd y gwahoddir rhieni a chyfeillion i gyngherddau a gwasanaethau arbennig, a gwerthfawrogir eu cefnogaeth yn fawr iawn, yn enwedig gan y plant.

Trosgwlyddo i Ysgol Uwchradd

Bydd y rhan fwyaf o ddisgyblion Ysgol y Llys yn trosglwyddo i Ysgol Glan Clwyd, Llanelwy. Mae ffurfflenni dewis ar gael ar wefan Cyngor Sir Ddinbych, i rieni eu cwblhau, ar gychwyn y flwyddyn academaidd.

Mae cydweithio agos rhyngom ag Ysgol Glan Clwyd, a bydd cyfle i’r plant ymweld a’r ysgol Uwchradd nifer o weithiau o Flwyddyn 5 ymlaen. Caiff y rhieni gyfle i ymweld â'r ysgol cyn y trosglwyddiant.

Cyfle Cyfartal

Mae Llywodraethwyr yr ysgol yn cefnogi y Cynllun Cydraddoldeb Strategol Ysgol y Llys. Ni wahaniaethir yn erbyn pobl ar sail oedran, anabledd, hil, crefydd, rhyw, rhywioldeb neu allu yn wahanol i’w un nhw. Am fwy o fanylion, ewch i gwefan www.ysgolyllys.cymru.

Anabledd

Y mae’r ysgol yn cyfarfod y Ddeddf Gwahaniaethu ar sail Anabledd ac wedi paratoi cynllun ar ei gyfer.

Mae mynchu ysgol yn rheolaidd a gan sicrhau lefelau presenoldeb uchel yn bwysig iawn ac yn cyfrannu tuag at gynnydd academiadd a llesiant bob plentyn. Diswgyliwn i bob plentyn fod ar y safle o 8.40am ymlaen. Bydd staff ar ddyletswydd buarth o 8.40yb i groesawu disgyblion.

Os yw'ch plentyn yn absennol o’r ysgol, gofynnwn i chwi gysylltu â'r ysgol drwy lythyr neu ffôn, neu bydd rhaid marcio'r gofrestr gydag absenoldeb diawdurdod.

Mae’n gyfrifoldeb arnoch chi i sicrhau bod eich plentyn yn mynychu’r ysgol. Os ydi’ch plentyn yn absennol heb reswm derbyniol, fe allech chi dderbyn dirwy neu gael achos yn eich erbyn.

Bydd yr ysgol yn awdurdodi absenoldeb eich plentyn ar ôl derbyn rheswm derbyniol. Mae’r rhain yn cynnwys:

• Salwch
• apwyntiadau meddygol neu ddeintyddol na ellir eu methu (os yn bosib fe ddylech chi drefnu’r rhain ar ôl ysgol neu yn ystod gwyliau’r ysgol)
• diwrnodau crefyddol
• materion teuluol eithriadol, fel profedigaeth
• cyfweliad gyda chyflogwr neu goleg

Ni fydd yr ysgol yn awdurdodi absenoldeb eich plentyn os oedd yn absennol oherwydd y canlynol:

• siopa yn ystod oriau ysgol
• taith diwrnod
• Gwyliau yn ystod y tymor ysgol
• pen-blwydd

Os ydi’ch plentyn yn absennol ac nad ydych chi wedi rhoi rheswm dros yr absenoldeb, neu os nad ydi’r ysgol yn fodlon â’r eglurhad, bydd yr absenoldeb yn cael ei nodi fel un heb ei ‘awdurdodi’, sef triwantiaeth.

Os ydych chi’n credu bod rheswm pan nad oes ar eich plentyn eisiau mynd i’r ysgol, fe ddylech chi siarad ag athro/ athrawes dosbarth eich plentyn i dderbyn cymorth a chefnogaeth.

Rhybudd Cosb Benodedig

Os oes gan eich plentyn 10 diwrnod neu fwy o absenoldeb heb awdurdod, neu’n hwyr ar fwy nag 20 sesiwn (10 diwrnod ysgol), gallech dderbyn Rhybudd Cosb Benodedig.

Os ydych yn talu o fewn 28 diwrnod, y ddirwy yw £60. Os ydych yn talu ar ôl 28 diwrnod, ond o fewn 42 diwrnod, y ddirwy yw £120. Os nad ydych wedi talu'r ddirwy cosb yn llawn erbyn y 43ain diwrnod, gellid cymryd camau cyfreithiol yn eich erbyn.

Bwyta'n Iach

Rydyn yn hybu'r plant i fwyta'n iach ac yn gofyn i rieni ddarparu ffrwyth fel byrbryd ddyddiol i’w plant. Anogwn plant i yfed dwr a gofynnwn yn garedig i rieni ddarparu dwr yn unig i blant i’w hyfed tray n yr ysgol. Ni chaniateir i’r plant i fwyta siocled/creision na fferins yn ystod amser chwarae.

Un o brif egwyddorion a chredoau’r ysgol yw’r pwysigrwydd ar ofal a lles ein disgyblion. Mae gennym tim cynwysiant o dan arweinyddiaeth ein CADY sy’n cefnogi disgyblion efo anhawsterau lles, cymdeithasol, ymddygiad. Mae ein darpariaeth ‘Grwp Lles’ ar gael i blant sydd angen cefngoaeth, boed yn fyr dymor neu yn hir dymor.

Mae disgwyliadau uchel yn yr ysgol o ran ymddygiad disgyblion. Mae hyn yn cael ei ddatblygu wrth annog awyrgylch ac hinsawdd adeiladol, ac un o barch- staff at disgyblion a disgyblion i staff. Am fwy o fanylion am Bolisi Ymddygiad a Gwrth Fwlio - ewch i gwefan yr ysgol www.ysgolyllys.cymru

Grŵp Lles y Llys

Rydym yn ffodus iawn yn Ysgol y Llys i gael Grŵp Lles i gefnogi plant sydd ar brydiau wedi profi anawsterau emosiynol, cymdeithasol neu ymddygiad. Mae grŵpiau yn cael eu cynnal, o dan oruchwyliaeth Miss Hanna Hughes, Mrs Rhianwen Mason a Mrs Bethan McCabe.

Anghenion Dysgu Ychwanegol (ADY)

Mrs Emma Robertshaw yw ein Cydlynydd Anghenion Dysgu Ychwanegol (CADY) yma yn Ysgol y Llys. Bydd Mrs Robertshaw yn cydweithio yn agos gyda staff cefnogi yn y grŵp Lles. Mae'r ysgol yn dilyn y côd newydd Anghenion Dysgu Ychwanegol.

Ers Medi 2022, mae’r fframwaith Cwricwlwm i Gymru yn statudol i holl ysgolion cynradd Cytmru. Mae prif egwyddorion y Cwricwlwm yn rhan o genhadaeth ac ethos Ysgol y Llys- sef ein bwriad o sicrhau fod pob plentyn yn cael cyfleoedd i fod yn:

• ddysgwyr uchelgeisiol, galluog sy’n barod i ddysgu drwy gydol eu hoes
• cyfranwyr mentrus, creadigol sy’n barod i chwarae eu rhan yn llawn yn eu bywyd a’u gwaith
• dinasyddion egwyddorol, gwybodus yng Nghymru a’r byd
• unigolion iach, hyderus sy’n barod i fyw bywyd gan wireddu eu dyheadau fel aelodau gwerthfawr o gymdeithas

Golyga hyn ei fod yn derbyn cwrs addysg yn yr ysgol sydd yn:

1. datblygu'r sgiliau sylfaenol - siarad, darllen, ysgrifennu, gwrando a sgiliau mathemategol, technoleg gwybodaeth;
2. rhoi cyfle iddo/iddi i astudio'i fyd/byd a'i ddehongli
3. magu agwedd gymdeithasol iach tuag at ei gyd-ddyn
4. ei alluogi i dderbyn profiadau amrywiol a chael cyfle i'w mynegi.

Cyrhaeddir yr amcanion uchod drwy weithrediad y Fframweithiau Llythrennedd a Rhifedd yn ogystal a’r Fframwaith Cymhwysedd Ddigidol. Rydym yn mesur cynnydd disgyblion drwy gyswllt Camau Cynnydd y Cwricwlwm i Gymru ac yn credo mai cynnydd personol disgyblion sy’n allweddol.

Y chwe Maes Dysgu a Phrofiad Cwricwlwm i Gymru:

• Celfyddydau Mynegiannol
• Gwyddoniaeth a Thechnoleg
• Mathemateg a Rhifedd
• Ieithoedd, Llythrennedd a Chyfathrebu
• Dyniaethau
• Iechyd a Lles

Y nod yw ceisio sicrhau fod plentyn erbyn iddo gyrraedd unarddeg oed yn blentyn fydd yn rhugl yn y ddwy iaith ac yn gallu eu darllen a'u hysgrifennu; yn blentyn fydd yn ymwybodol o'r byd o'i gwmpas ac yn blentyn a gafodd yn ystod ei yrfa ysgol bob cyfle i ddatblygu hyd eithaf ei allu/gallu.

Mae’r ysgol yn defnyddio ystod eang o ffynhonellau i asesu a thracio cynnydd disgyblion. Byddwn yn defnyddio asesiadau personol mewn llythrennedd a rhifedd, profion Profion Glannau Menai a Phrofion Cymru Gyfan.

Bydd y rhan fwyaf o wersi'r plant yn cael eu cyflwyno gan yr athro/athrawes dosbarth ond defnyddir arbenigedd staff i gyflwyno rhai agweddau o'r cwricwlwm yng Nghyfnod Allweddol 2 megis Celf, Technoleg ac Addysg Gorfforol.

Sicrheir fod y plant yn cael gwaith gwahaniaethol sy'n addas i'w cyrhaeddiad, ac fe gefnogir unrhyw blentyn sy'n cael anhawster a cheisir ymestyn y plant mwyaf galluog. Os yw plentyn angen cymorth ychwanegol yna daw athrawes gyflogedig gan y Sir i’r ysgol am ddiwrnod a fydd yn cymryd plant yn unigol neu mewn grwpiau bach i gefnogi'r gwaith dosbarth.

Fe asesir y plant yn ffurfiannol drwy'r flwyddyn a defnyddir y wybodaeth yma i sicrhau bod y gwaith a gyflwynir yn addas i anghenion y plant. Mae gan yr ysgol bolisi asesu sydd ar gael i’r rhieni.

Swyddogion Diogelu

Yma yn Ysgol y Llys rydym yn cymryd diogelu disgyblion ac eraill o ddifrif. Rydym yn dilyn canllawiau cenedlaethol a caiff y polisi Diogelu ei ddiweddaru a'i hadolygu yn aml.

Y Pennaeth yw uwch Swyddog Diogelu yr ysgol. Yn ei absenoldeb dylid cyfeirio unrhyw bryderon at unai Mrs Emma Robertshaw, Mr Sion Jones, Mrs Sophia Rose, Mrs Ffion P Davies neu Mrs Sian Jones.

Mae pob aelod o staff wedi derbyn hyfforddiant blynyddol am ddiogelu, gyda'r swyddogion diogelu yn derbyn hyfforddiant pellach er mwyn cyflawni eu rôl. Mae pob aelod o staff yn gwybod beth yw'r camau i ddilyn os caiff pryder ei godi neu ei ddatgelu.

Plant Mewn Gofal

Trwy gydweithio agos ag asiantaethau eraill a’r Awdurdod Lleol cefnogir disgyblion sy’n derbyn gofal yn effeithiol yn yr Ysgol. Mr Rhys Griffith a Mrs Emma Robertshaw, Pennaeth a CADY Ysgol y Llys, sydd a chyfrifoldeb am sicrhau effeithiolrwydd y gefnogaeth y maent yn ei dderbyn a hyrwyddo eu cyflawniad. Cynhelir cyfarfodydd rheolaidd i sicrhau cefnogaeth a chymorth i’r disgyblion hyn a’u gofalwyr.

Sicrheir bod plant sydd angen cymorth addysgol ychwanegol yn derbyn sylw arbennig gan yr athro dosbarth ac yn derbyn cymorth ychwanegol sy’n ddibynnol ar eu hanghenion., e.e. gwaith gwahaniaethol yn y dasg. Yn ogystal â hyn mae Cymhorthydd Addysg Arbennig yn gweithio o dan arweiniad yr athro/athrawes ddosbarth. Mae’r cymhorthydd yn cefnogi plant sydd ag Anghenion Dysgu Ychwanegol yn wythnosol yntau o fewn y dosbarth neu mewn parau/grŵp bach oddi allan. Gall rhieni weld y polisi Anghenion Dysgu Ychwanegol a thrafod cynlluniau addysgol eu plant ar unrhyw adeg. Gweler taflen gwybodaeth Addysg Dysgu Ychwanegol i’r rhieni.

Addysg Grefyddol

Nid yw'r ysgol yn dal cysylltiad uniongyrchol a ffurfiol ag unrhyw enwad crefyddol, ond gwahoddir gweinidogion/offeiriaid yr ardal i'r ysgol yn achlysurol i annerch y plant. Cynhelir gwasanaethau'n ddyddiol ac mae'r dosbarthiadau yn eu tro yn cynnal y gwasanaethau ar ddydd Gwener.

Mae addysg grefyddol ar daflen amser y dosbarthiadau a disgwylir i'r plant gymryd rhan yn y gwersi a'r gweithgareddau. Dim ond drwy anfon llythyr i'r ysgol gellir gwneud trefniadau ar gyfer plant nad yw eu rhieni am iddynt fynychu'r gwasanaethau a'r gwersi.

Addysg Gorfforol

Disgwylir i bob disgybl gymryd rhan mewn Addysg Gorfforol a chwaraeon. Mae angen llythyr o'r cartref os yw plentyn i gael ei esgusodi am unrhyw reswm arbennig yn gysylltiedig â iechyd.

Cynhelir y Mabolgampau blynyddol yn ystod Tymor yr Hâf ac mae'r plant yn cystadlu i ennill pwyntiau i'w tai - Arthur, Glyndŵr, Llywelyn.

Bydd plant Cyfnod Allweddol 2 yn cystadlu yng ngemau cynghrair yr ardal megis pêl-droed/rygbi/pêl-rwyd a chystadlaethau'r Urdd.

Rydym yn canolbwyntio ar y sgiliau safonol yn ein gwersi Addysg Gorfforol, ond ceir clybiau pêl rwyd, pêl droed, rygbi, athletau, dawns a.y.y.b. ar ôl oriau ysgol. Defnyddir hyfforddwyr proffesiynol i gefnogi gwaith staff yr ysgol.