陳雷先生(本名吳景裕)，台南縣麻豆人，自1986年發表第一篇台文短篇小說〈美麗ê樟腦林〉起，用台文寫作到今已經將近40冬，發表過百篇以上的小說、散文及台語詩等，作家宋澤萊先生共陳雷為比並做台語文學界的｢魯迅」，資深台文作家陳金順先生也將陳雷評做｢台語短篇小說之王」、｢台語小說的路觀牌」，可見陳雷先生佇台語文學界的份量有偌大。
咱的節目為著欲推廣陳雷先生的作品，特別舉辦｢填問卷抽小說」的活動，只要填一張問卷，就有4擺抽獎的機會，著獎的人一擺會當得著2本陳雷短篇小說喔 (總共5集，隨機贈送2集)！
表單內面有設一个留言區，空中聽友若有欲對節目鼓勵、指教抑是建議的所在，是阮進步上大的動力，歡迎你寫落來，阮嘛會公開予逐家看，多謝你！