Ysgol Twm o'r Nant Da yw ein Hiaith, Cadwn hi

Amcanion yr ysgol

• Ymdrechwn i helpu’r plant i ddatblygu meddyliau bywiog ac ymholgar, gan roi cyfleoedd iddynt drafod a chwestiynu, a chyflwyno iddynt gwricwlwm eang a diddorol.

• Ceisiwn ddatblygu parch at safonau moesol a chrefyddol a cheisiwn ddatblygu goddefgarwch tuag at bobloedd a chrefyddau a dulliau eraill o fyw.

• Ceisiwn ddatblygu y sgiliau o gyd-fyw o fewn cymdeithas dosbarth, yr ysgol a chymdeithas yn gyffredinol gan bwysleisio y cyd-dderbyniaeth sydd rhwng unigolion, grwpiau a chenhedloedd.

• Ceisiwn ddatblygu’r plant yn y ddwy iaith, sef Cymraeg a Saesneg, fel y gallant fwynhau a pharchu’r ddwy iaith a’u defnyddio yn effeithiol a chyda dychymyg.

• Ceisiwn gyflwyno sylfeini cadarn ym mhob agwedd o’r Cwricwlwm ac i ddatblygu’r sgiliau angenrheidiol i ddefnyddio’r wybodaeth yma yn y byd sydd ohoni heddiw er mwyn i’r plant ddeall sut y cynhelir ein safonau byw.

• Ceisiwn ddatblygu gwybodaeth, parch a chariad tuag at y celfyddydau a rhoi siawns i blant fynegi eu teimladau’n greadigol.

• Ceisiwn ddysgu’r plant am orchestion a dyheadau dynol ym myd celfyddyd, gwyddoniaeth a chrefydd.

• Ceisiwn roi siawns i bob plentyn, beth bynnag fo’i allu, i chwarae rhan lawn ym mywyd yr ysgol. Hefyd, ceisiwn sicrhau fod pob plentyn yn cael y siawns i ymestyn ei hun yn ei sgiliau arbennig bo hynny’n academig, yn gorfforol neu’n gymdeithasol.