თუ ნიუ-იორკში ყოფნისას მე-5 ავენიუზე, მე-60 ქუჩას გაუყვებით, ნუ გაგიკვირდებათ, თუ ოცსართულიანი შენობების ნაცვლად, სულ რაღაც სამსართულიანი შენობა დაგხვდებათ, რომელიც თითქმის ნახევარ კვარტალს იკავებს.
სახლის დაპროექტება ერთ-ერთი წამყვანი კომპანიის „კარერი და ჰასტინგზის“ არქიტექტორ თომას ჰასტინგზს მიანდო.
ამავე სახლში დასახლდა თავად ჰენრი კლეი ფრიკი ოჯახითა და მსახურების თანხლებით.
დამფუძნებლის ისტორია
ჰენრი კლეი ფრიკი 1849 წელს დაიბადა. სამხრეთ-დასავლეთ პენსილვანიის სოფლის იმიგრანტი ფერმერის ვაჟი ჯერ გამყიდველად, შემდეგ კი ბუღალტრად მუშაობდა. 1871 წელს ფრიკმა ბიძაშვილთან ერთად მცირე კომპანია დააფუძნა. ისინი მიზნად ისახავდნენ, შეეძინათ სამრეწველო ღუმელები და დაკოქსვის მეთოდით გადაემუშავებინათ ქვანახშირი, რასაც საბოლოოდ ფოლადის სხვადასხვა სახეობის დასამზადებლად გამოიყენებდნენ.
მოგვიანებით კი მასთან სერიოზული უთანხმოება მოუვიდა. მასთან სამართლებრივი დავის შემდეგ, ფრიკმა საკუთარი წილი ფასიანი ქაღალდების სახით გაიტანა.
1890-იანი წლებიდან ფრიკი ყოველდღიური სამსახურეობრივი საქმიანობით უკვე ნაკლებად იყო დატვირთული, რის გამოც კოლექციის სერიოზულად შეგროვებას მიჰყო ხელი.
ფრიკის უნიკალურ კოლექციაში რემბრანდტის, ველასკესის, ტიციანის, ბელინის, ჰოლბაინის, ელ გრეკოს, ვან დეიკის, იაკობ ვან როისდალის, გოიას, ჯონ კონსტებლის, ჟან ონორე ფრაგონარისა და პიერო დელა ფრანჩესკას ცნობილი შედევრებიც ირიცხებოდა.
საკუთარი უნიკალური კოლექციის გამოსამზეურებლად ფრანკი საკუთარ სახლში საგანგებოდ ადაპტირებულ ოთახებს იყენებდა.
ცნობილი ტილოების გარდა, ის რარიტეტულ ავეჯსაც ყიდულობდა.
ფრიკის სახლი რამდენჯერმე გადაკეთდა, მაგრამ პიროვნების შემომედებითი გემოვნების ამსახველი ატმოსფერო ახლაც სუფევს.
ფრიკის მუზეუმმა ქალაქის „ფარული მარგალიტის“ სტატუსი დაიმკვიდრა, რომელსაც ყოველწლიურად თითქმის 300 000-მდე ვიზიტორი სტუმრობს.
დაათვალიერეთ და ისიამოვნეთ მაღალი ხარისხის, ფერადი ფოტოებით. წიგნის გვერდები მსოფლიოში ცნობილ საოცარ მუზეუმებში გამოგზაურებთ. წიგნის შეძენა შეგიძლიათ როგორც "ბიბლუსის" ქსელში, ასევე ონლაინ.