Մեծատունովների տոհմն Ախալքալաքում ասոցացվում է քաղաքային առաջին իշխանությունների հետ։ Ախալքալաքի առաջին քաղաքապետը Հովհաննես Մեծատունովն է եղել։
Մեծատունովների տոհմի պատմությունը հետաքրքրականն է մեր քաղաքի պատմության ու ներկայի խաչմերուկում։ Մեծատունովները մեր քաղաքի առաջին բնակիչներից են, ովքեր գաղթից հետո բնակություն են հաստատել Ախալքալաքում։ Ախալքալաքի առաջին քաղաքապետի եղբայրը՝ Խորեն Մեծատունովն իր ժամանակի հայտնի իրավապաշտպաններից է եղել։
Հետաքրքական է, որ Խաս Բախչա զբոսայգու բացման հանդիսավոր արարողության ժամանակ քաղաքապետ Մեծատունովի կինը զմայլված քաղաքի նորահայտ շքեղությամբ, բացականչում է՝ այ քեզ խաս բախչա, և այդ բառերը բերնեբերան անցնելով մնում են որպես քաղաքի կենտրոնական այգու անվանում։
Խորեն Մեծատունովը ցարական ժամանակների առաջին իրավապաշտպաններից է եղել։ Հետաքրքրական է, որ վերջինս երեք անգամ է ամուսնացել, և երեք ամուսնու;փունների դեպքում օրինական ամուսնալուծվել և ամուսնացել, ինչը բացառիկ իրադարձություն է եղել այդ ժամանակ։ Երեք ամուսնությունից ունեցել է 3 երեխա։ Առաջին ամուսնությունից ունեցել է 2 որդի՝ Գուրգեն ու Ռուբեն։ Նրա առաջին կինը եղել է Նազիկ Տեր-Բաղդասարյանը։Վերջինս քահանայի աղջիկ է եղել։
Կլարա Գուրիևվիչի հետ ծանոթացել է թերթում տպագրված հայտարարության միջոցով։ Մի բան, որն այդ ժամանակ ոչ միայն ընդունված չէր, այլև բացառիկ էր։ Խորեն Մեծատունովը Կլարայի հետ ապրել է Թիֆլիսում։ Խորենը հերթական գործուղումից վերադառնալով պարզում է, որ կինը մահացել է ծանր հիվանդությունից, իսկ որդին հայտնվել էր որբանոցում։
Խորեն Մեծատունովն ունեցել է՝ 3 որդի, 5 թոռ, 12 ծոռ․․․