失樂園
選自《 陳雷短篇小說集1-阿春無罪》
原作/陳雷
編劇/賴嘉仕 劇本校正/洪宿芬
以前無預備軍官來--過，我算是第一期，又koh是野戰病院ê少尉醫官，所以款待無仝。親像831這个所在，院長tō有特別交代，我bē使去買票。反共救國軍每一个單位，兩禮拜輪一擺去hia買票tshit-thô，兵á 話叫做「打炮」。日--時兵á票，暗時6點以後限軍官票。
後--來我才瞭解，這个831屬反共救國軍ê政治作戰部管，為著保密，每一个單位攏有一个代號，831 tō是這个單位ê號碼。但是對外正式ê名稱是叫做「軍中樂園」。